BBQ NYAMA CHOMA (HOME)

Nyama ya mbuzi mbavu na inawekewa marination ya kawaida tu ili kuilainisha na kuipa ladha kabla ya kuichoma. Tunatumia tangawizi,kitunguu saumu,ndimu au limao na chumvi.Nyama inapakwa hivyo vyote kisha inawekwa kwenye fridge kama lisaa hivi ndio inaanza kuchomwa.Inaweza kuwekwa hivyo vyote hata usiku ikalala kwenye fridge kesho yake ikachomwa.

Kuku nao huwekwa marination ila hii ni kitunguu saumu na limao na chumvi.Wakati mwingine tunaweza kufanya chicken tandoor kama tunataka ile ladha ya pilipili.

KONGAMANO LA 28 LA WANASAYANSI(NIMR) LAZINDULIWA.

 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akifungua pazia kuashiria kuzindua rasmi Kongamano la 28 la Mwaka la Taasisi ya Taifa ya Utafiti wa Tiba (NIMR), lililofanyika kwenye Ukumbi wa Mwalimu Nyerere, jijini Dar es Salaam. Kongamano hilo limeandaliwa na Taasisi hiyo ya (NIMR). Kutoka (kushoto) ni Mkurugenzi wa NIMR, Dkt. Mwele Malecela, Naibu Waziri wa Afya, Kabwe Steven na Mwenyekiti wa Baraza la NIMR, Samwel Masele.

  Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akikata utepe kuashiri kuzindua Mpango wa Mkakati wa Nne wa Utafiti Bora wa Afya, wakati wa ufunguzi wa Kongamano la 28 la Mwaka la Taasisi ya Taifa ya Utafiti wa Tiba (NIMR),  lililofanyika kwenye Ukumbi wa Mwalimu Nyerere, jijini Dar es Salaam. Kongamano hilo limeandaliwa na Taasisi hiyo ya (NIMR). Kushoto ni Mkurugenzi wa NIMR, Dkt. Mwele Malecela (katikati) ni Mwenyekiti wa Baraza la NIMR, Samwel Masele.

ALICHO SEMA PAUL MAKONDA KUHUSUSIANA NA UKAWA BUNGE LA KATIBA.

 Paul C. Makonda Katibu Uhamasishaji na Chipukizi UVCCM Mjumbe Bunge Maalum la Katiba

Leo Nitatumia maneno makali kidogo ili tuelewane kiurahisi. Wapinzani wa Nchi hii ni “BAPHOON”. Maana ya BAPHOON ni Watu au Kundi la Watu linalotumika Kwa Maslahi ya Mataifa Mengine Kuangamiza Taifa Lao. Wako Tayari Hata Kuchukua Mabomu na kulipua Nchi yao Wenyewe. Hawa ndio wanaojiita UKAWA (THE BAPHOON)

BAADA YA MDA MREFU KUTOONEKANA KWENYE GAME (ABOU DIABY)

Meneja wa club ya Arsenal Arsene Wenger amethibitisha kwamba baada ya mwaka mmoja wa kukaa nje ya uwanja, mchezaji Abou Diaby ataonekana kwenye fainali za Premier League.

NAIBU WAZIRI WA KAZI DK MAKONGORO MAHANGA AFUNGUA KONGAMANO LA AFYA NA USALAMA KATIKA MATUMIZI YA KEMIKALI SEHEMU ZA KAZI NDOGO,

 Washiriki wakijiandikisha nje ya ukumbi kabla ya kuanza kwa kongamano la afya na usalama katika matumizi ya kemikali sehemu za kazi

 Zoezi la uandikishaji na uhakiki wa majina ya washiriki wa kongamano ukiendelea

 Mgeni rasmi Naibu Waziri wa kazi Mhe Dk Makongoro Mahanga akiingia ukumbini

 Wajasiriliamali wakiwa wamesimama kumpokea Mgeni Rasmi Naibu Waziri wa kazi Dk Makongoro Mahanga

MAHAFAI YA PILI YA CHUO CHA MAFUNZO YA JINSIA TANZANIA YAFANKA JANA.

Mwenyekiti wa Bodi ya Chuo cha Mafunzo ya Jinsia (GTI), Asseny Muro (kushoto) akiwahutubia wahitimu wa mahafali ya pili ya chuo hicho leo katika viwanja vya TGNP Mabibo jijini Dar es Salaam. Mkuu wa Chuo cha GTI, Zuki Mihyo (wa pili kushoto) akitoa hotuba yake kwa wanamahafali wa mafunzo ya jinsia katika chuo cha GTI leo. 

Mwenyekiti wa Bodi ya Chuo cha Mafunzo ya Jinsia (GTI), Asseny Muro pamoja na Mkuu wa Chuo cha GTI, Zuki Mihyo (kushoto) na Kaimu Mkurugenzi wa TGNP Mtandao, Lilian Liundi (kulia) wakiongoza maandamano ya wanamahafali ya pili ya Chuo cha GTI kuelekea ukumbuni kabla ya kuanza kwa hafla hiyo. 

Mkuu wa taaluma na mipango wa GTI, Bi Doroth akitamka kuanza kwa sherehe za Mahafali ya Pili ya Chuo cha Mafunzo ya Jinsia Tanzania (GTI) kwenye hafla ya mahafali hayo leo.

Sehemu ya wanamahafali wa Chuo cha Mafunzo ya Jinsia (GTI) wakiwa kwenye sherehe za mahafali yao yaliyofanyika katika ukumbi wa mikutano wa Mtandao wa Jinsia Tanzania (TGNP) leo Mabibo jijini Dar es Salaam

 

Mwenyekiti wa Bodi ya Chuo cha Mafunzo ya Jinsia, Asseny Muro (kushoto) akimtunuku cheti cha jinsia mmoja wa wahitimu wa mahafali ya pili ya chuo hicho leo katika viwanja vya TGNP Mabibo jijini Dar es Salaam

 

Mmoja wa wanamahafali wa Chuo cha Mafunzo ya Jinsia (GTI) (kulia) akionesha cheti chake mara baada ya kutunukiwa.

 

Mmoja wa wanamahafali wa Chuo cha Mafunzo ya Jinsia (GTI) (kulia) akikabidhiwa cheti chake mara baada ya kutunukiwa na Mwenyekiti wa Bodi ya Chuo cha Mafunzo ya Jinsia, Asseny Muro (kushoto)

 

Mmoja wa wanamahafali wa Chuo cha Mafunzo ya Jinsia (GTI) (kulia) akionesha cheti chake mara baada ya kutunukiwa.

Kaimu Mkurugenzi wa TGNP Mtandao, Lilian Liundi (kulia) akinong'ona jambo na Mwenyekiti wa Bodi ya Chuo cha Mafunzo ya Jinsia, Asseny Muro kwenye sherehe za mahafali ya pili ya Chuo cha GTI leo.

Mwenyekiti wa Bodi ya Chuo cha Mafunzo ya Jinsia, Asseny Muro, Mkuu wa Chuo cha GTI, Zuki Mihyo, Kaimu Mkurugenzi wa TGNP Mtandao, Lilian Liundi na meza kuu wakiwa katika picha ya pamoja na wanamahafali baada ya kutunukiwa vyeti vyao.

Wanamahafali wakiimba wimbo wa taifa kabla ya kuanza kwa sherehe za mahafali yao leo.

Na Thehabari.com, Dar es Salaam MAHAFALI ya pili ya Chuo cha Mafunzo ya Jinsia (GTI) yamefanyika leo jijini Dar es Salaam kwenye ukumbi wa mikutano wa chuo hicho eneo la Mabibo. Katika sherehe hizo jumla ya wanafunzi 9 wamehitimu mafunzo ya njinsia ngazi ya cheti. Akizungumza kabla ya kuwatunuku vyeti, Mwenyekiti wa Bodi ya Chuo cha Mafunzo ya Jinsia, Asseny Muro alikipongeza chuo hicho kwa kuendelea kutoa mafunzo ya jinsia nchini kwa ngazi mbalimbali jambo ambalo linawezesha wahitimu kuwa na uwezo wa kuchambua na kutathmini sera na program anuai kwa mtazamo wa kijinsia katika sekta mbalimbali za maendeleo. Aliutaka uongozi wa GTI kwa kushirikiana na bodi kutatua changamoto mbalimbali zinazokikabili chuo hicho, ikiwemo changamoto za uhaba wa raslimali watu na fedha ili kuhakikisha malengo ya chuo hicho ya kudahili wanafunzi wengi zaidi yanafikiwa na kuanza kwa wakati. "..Rai yangu niwaombe wewe mkuu wa chuo kwa kushirikiana na bodi ya GTI mfanye kila liwezekanalo ili kuwezesha mafunzo hayo kuanza mapema na hatimaye wanafunzi hawa na wengine watakaopenda kuendelea na masomo yao hapa chuoni wafanye hivyo ili kutimiza ndoto zao na matarajio yao," alisema Bi. Muro. Aidha aliwapongeza wahitimu kwa kufanikiwa kumaliza mafunzo yao na kuwataka wakaitumie elimu hiyo kiufasaha kwa jamii, ikiwa ni pamoja na kuwa wataalamu na mabalozi wazuri wa masuala ya jinsia hapa nchini. "...Nitumie fursa hii kuwaomba mkawe wataalamu na mabalozi wazuri wa masuala ya jinsia hapa nchini na kwa kufanya hivyo nchi itajivunia utaalamu wenu ambao kama utatumika vizuri utaiwezesha jamii kuwa na mipango na utekelezaji wa shughuli za maendeleo...," alisisitiza. Naye Mkuu wa Chuo cha GTI, Zuki Mihyo akizungumza na wahitimu na wageni waalikwa kabla ya kumkaribisha mgeni rasmi alisema chuo hicho kinakabiliwa na changamoto mbalimbali ambazo zimekuwa zikikwamisha utekelezaji wa mipango yake kikamilifu, hivyo kuiomba Bodi ya chuo kusaidia kutatua changamoto hizo ili chuo kiendelee kufanya vizuri zaidi katika mipango yake. Mahafali hayo ya Chuo cha GTI ambacho kinaendeshwa na Mtandao wa Jinsia Tanzania (TGNP) pia yalihudhuriwa na Mwenyekiti wa Bodi ya TGNP Mtandao, Mary Rusimbi, Kaimu Mkurugenzi wa TGNP Mtandao, Lilian Liundi, wafanyakazi wa GTI na TGNP Mtandao pamoja na wageni waalikwa

KOCHA WA BARCELONA ALIYEJIUZULI AFARIKI DUNIA KWA SALATANI YA KOO(Tito Vilanova 45)

Alijiusulu ukocha Barca Julai mwaka jana ili aendelee na matibabu yake na mikoba kuchukuliwa na Gerardo Martino.

Vilanova alikuwa na uvimbe katika koo lake na uliondolewa Novemba 2011, lakini mwaka jana alipata matatizo zaidi yanayohusiana na ugonjwa huo.

Vilanova alikuwa msaidizi wa Joseph ‘Pep’ Guardiola ambaye zaidi ya mwaka mmoja uliopita aliachia ngazi akisema anahitaji kupumzika na kuona akili yake upya, ambapo sasa amejiunga na mabingwa wa Ulaya, Bayern Munich.

TANZANIA YANUSA MIAKA 50

Dar/ Mikoani.  Wakati leo ni maadhimisho ya  miaka 50 ya Muungano wa Tanganyika na Zanzibar uliozaa taifa la Tanzania, wasomi, viongozi wa dini, watendaji wa Serikali na wananchi wa kawaida wamekuwa na mitazamo tofauti kuhusu uhai wa Muungano huo.

Wakizungumza na gazeti hili kwa nyakati tofauti, baadhi walitaka Muungano huo uvunjike kwa madai ya kutokuwa na manufaa yoyote, au uwe wa Serikali moja, huku wengine wakitaka uenziwe kwa sababu ndiyo chachu ya amani, umoja na mshikamano uliopo sasa.

Moshi

Mhadhiri wa Chuo Kikuu cha St. Augustine, Padri Francis Shawa alisema: “Muungano uendelee ila kuwe na serikali moja kama ilivyokuwa awali na Rais akitoka Zanzibar makamu atoke Bara na kusiwe na marais wawili.”

Alisema  wadhifa wa Rais wa Zanzibar na makamu wake viondolewe na pande zote zikubali baadhi ya vitu kutoa sadaka kwa kuvipoteza.

“Nakerwa  zaidi na Zanzibar kuwa na Katiba yao , wakati Katiba ya Jamhuri ya Muungano wa Tanzania inasema Zanzibar ni sehemu ya nchi yake pia. Wakati wa Sherehe za Muungano, Rais wa Zanzibar ndiye anaonekana mwenye nguvu, kitu ambacho siyo sahihi. Rais wa Tanzania ndiye apewe hadhi kubwa,” alisema.

Diwani wa Kata ya Kilema Kusini, Kawawa Lubega alipendekeza Serikali mbili na alitoa sababu kuwa hata Serikali mbili za sasa bado wananchi hawajazifahamu vizuri. Lubega alisema kwamba shirikisho la serikali tatu litasababisha Rais atakayekuwapo madarakani akose nguvu kiuchumi na kiutawala.

Ofisa Elimu wa Shule za Sekondari za Wilaya ya Moshi, George Jidamva alipendekeza kuwapo kwa serikali mbili, lakini akashauri Katiba zote mbili za Jamhuri ya Muungano wa Tanzania na ile ya Zanzibar, ziwekwe mezani ili dosari zilizopo zirekebishwe akitaja kipengele cha madaraka ya Rais.

Mwanasheria wa Serikali, Wilaya ya Moshi, Glorian Issagya alipendekeza pia serikali mbili ziendelee, lakini akasema wabunge waliojitoa bungeni, warudi ili changamoto zinazojitokeza ziweze kufanyiwa kazi zisije zikaleta athari hapo mbeleni.

Kuhusu mchakato wa Katiba Mpya, mwanasheria huyo alipendekeza ungepitia kwenye Halmashari za Wilaya na hali hiyo ingekuwa rahisi kwa kila mtu kutoa maoni yake kwani atakuwa amepata elimu kupitia vitongoji, vijiji hadi kata.

RAIS KIKWETE ATUNUKU NISHANI NA TUZO ZA MIAKA 50 YA MUUNGANO.

Mama Maria Nyerere akipokea nishani ya kumbukumbu ya miaka 50 ya Muungano(Order) kwa niaba ya Marehemu Baba wa Taifa Mwalimu Julius Nyerere.

Rais Dkt.Jakaya Mrisho Kikwete akimtunuku Mama Maria Nyerere Nishani ya Kumbukumbu ya miaka 50 ya Muungnao Daraja nne.

TANZANIA YATIMIZA MIAKA 50 YA MUUNGANO, SOMA ZAIDI HAPA.

+

Waasisi wa Muungano wa nchi mbili za Tanganyika na Zanzibar, Hayati Baba wa Taifa Mwalimu Julius Kambarage Nyerere (kushoto) na Hayati, Abeid Aman Karume (kulia waliokaa) wakisaini nyaraka za Muungano mwaka 1964.

MWANAUME ANASWA NA SEMBE NEW YORK CITY/USA AKITOKEA BONGO ONA HABARI YA KWANZA LIVE!

Wiki iliyopita, mtu mmoja mwenye uraia wa Ghana kwa jina Boubacar Traore (42), alikamatwa na kilo 3.5 za heroin zenye dhamani ya dola za Kimarekani milioni 3 mara tuu baada ya kuwasili katika uwanja wa ndege wa kimataifa wa JFK, jijini New York, Marekani. Aliwasili uwajani hapo kwa ndege ya British Airways ikitokea London alikounganisha ndege.

Taarifa zilizowasilishwa mahakamani zinaonyesha kuwa Traone alianzia safari yake Tanzania lakini haijaelezwa alipitia JNIA au KIA. Hata hivyo, jana Rais Kikwete alisema kuwa kuwa dawa za kulevya zinazidi kupita katika viwanja vya ndege vya JNIA na KIA na kuwa hali hii inazidi kuchafua heshima na jina la Tanzania.

Maafisa uwanjani hapo (JFK) walishtukia begi moja (Samsonite roller bag) ambalo lilikuwa limekaa kama halina mwenyewe vile. Baada ya kulichunguza walikuta kuwa mmiliki wake alikuwa ni Traone ambaye ni baba wa watoto saba anayemiliki grocery nchini Ghana. Baada ya begi hilo kupekuliwa maafisa hao walikuta kilo 3.5 za heroin zilizokuwa zimefichwa kwenye begi hilo kama linavyoonekana kwenye picha hapo chini.



Baada ya kukamatwa Traore alikiri kosa lake la kushiriki katika kujaribu kuingiza dawa hizo za kulevya Marekani na kukubali kushirikiana na polisi ili kumkamata mshiriki mwingine. Baada ya kupiga simu kadhaa, Traore alikubaliana kwenye simu kukutana na mtu mwingine kwa jina Francis Abankwa (50) ambaye ni devera wa moja ya mabasi ya MTA (Metropolitan Transportation Authority).

Abankwa alikuwa amepanga kuchukua mzigo mida ya saa kumi jioni lakini alimwambia Traore asubiri kidogo mpaka round ya mwisho kwa sababu basi lilikuwa limejaa abiria wengi. Hivyo, walikubaliana kukutana saa 6.51 za jioni kwa saa za New York katika kituo cha basi cha Grand Concourse and East Tremont kilichopo Bronx, jijini New York. Wakati huo, Abankwa alikuwa bado hajui kuwa Traore alikuwa tayari ameshakamatwa na dawa hizo. Pia hakujua kuwa alikuwa amekubali kushirikiana na Homeland Security kumkamata na yeye pia.

Baada ya Abankwa kuwasili katika kituo cha basi cha Grand Concourse and East Tremon na basi lake, Traone alipanda kwenye basi hilo akiwa na begi lililokuwa na dawa hizo za kulevya. Baada ya kupanda basi, Abankwa aliendesha basi lake huku wakijadiliana juu ya dili lao la dawa za kulevya. Mazungumzo yao yote yalikuwa yanarekodiwa na kifaa ambacho Traore alivalishwa na polisi.



Pia kwenye basi hilo kulikuwa na maafisa wawili waliokuwa wamevaa nguo za kiraia na walipanda basi mapema kabisa kutokea huko lilipoanzia na kujifanya kama abiria wa kawaida. Maafisa hao walishuka kituo cha pili kabla y kufikia kituo cha mwisho. Baada ya basi kufika kituo cha mwisho, abiria wote waliobakia walishuka ispokuwa Traore aliyebakia kwenye basi na kurudi na dereva Abankwa hadi kwenye depot ya mabasi ya MTA (Kingsbridge Depot) iliyopo Inwood.



Baada ya kuliacha basi pale, walielekelea kwenye gari ya Abankwa na ndipo polisi wapowazunguka na kumkamata Abankwa ambaye wakati huo alikuwa na lile begi mikononi mwake. Abankwa ambaye yupo katika kituo cha mahabusu cha Metropolitan kilichopo Brooklyn amefikishwa mahakami na kushtakiwa. Traore nae ameshtakiwa lakini kwa mujibu wa rekodi za kimahakama amepewa dhamana kwa bond ya dola 100,000.

LEMA ATAJA 'WAZITO' WANAOENDA CHADEMA. WAZIRI MKUU WA ZAMANI YUMO.

WAZIRI mkuu mmoja wa zamani na mawaziri wawili walioko madarakani, wametajwa kuwa miongoni mwa wazito walioko ndani ya Chama Cha Mapinduzi (CCM) walioomba kujiunga na Chama cha Demokrasia na Maendeleo (CHADEMA).

Aidha, mawaziri hao wanasubiri muda muafaka ufike waweze kutangaza rasmi kujiunga na chama hicho, kutokana na kile kilichodaiwa kuchoshwa na mwenendo mzima wa uongozi na utendaji wa mambo unavyokwenda serikalini na ndani ya CCM, hususan suala la kuwalinda watu wanaotuhumiwa kwa ubadhilifu.

Mbunge wa zamani wa Arusha Mjini, Godbelss Lema (pichani) aliwataja ‘wazito’ hao, kwenye mkutano mkubwa wa hadhara uliofanyika mjini Sengerema juzi, ambapo alisema hatua hiyo ni ishara wazi ya kuanguka kwa chama hicho.

WAZIRI MKUU WA MSUMBIJI ATEMBELEA CCM DAR.

 Katibu Mkuu wa Chama Cha Mapinduzi (CCM),  akimlaki Waziri Mkuu wa Msumbiji, Alberto Vaquina aliyewasili leo Ofisi Ndogo ya Makao Makuu ya CCM, Lumumba, Dar es Salaam., ambapo walipata wasaa wa kufanya mazungumzo. Katikati ni  Vicente Veroso Balozi wa Msumbiji nchini. PICHA NA KAMANDA WA MATUKIO BLOG

Kinana akisalimiana na Balozi wa Msumbiji nchini, Vicente Veroso

VITA VIKALI VINAVYO EDELEA KATI YA CCM NA CHADEMA.

VODACOM YATANGAZA ZAWADA KWA WASHINDI WA LIGI KUU TANZANIA BARA

Kampuni ya simu za mkononi ya Vodacom April 24 imetangaza zawadi kwa mabingwa wa ligi kuu ya Vodacom kwa msimu uliopita ambao mabingwa walitangazwa kuwa ni Azam Fc,Ofisa Uhusiano wa Nje wa Vodacom Salum Mwalimu ametangaza zawadi hizi ndani ya makao makuu ya Shirikisho la Soka Tanzania TFF ambapo zawadi hizo ziko kimpangilio huu.
Bingwa: Sh. Milioni 75
Mshindi wa Pili: Sh. Milioni 37
Mshindi wa Tatu: Sh. Milioni 26
Mshindi wa Nne: Sh. Milioni 21
Mfungaji Bora: Sh. Milioni 5.2
Timu yenye Nidhamu; Sh. Milioni 16
Kipa Bora: Sh. Milioni 5.2
Refa Bora; Sh. milioni 5.2
Kwa timu ya Azam FC wapatiwa Milioni 75 ikiwa ni ongezeko la Sh. milioni 5 ikilinganishwa na ilivyokuwa msimu uliopita huku Kipa bora na mwamuzi bora watapata Sh. milioni 5.2 kila mmoja ikikwa ni ongezeko la Sh. 200,000.
Timu yenye nidhamu italamba Sh. milioni 16, ikiongezeka kutoka Sh. 15 ya msimu uliopita zilizochukuliwa na Yanga,tarehe ya kutolewa kwa tuzo hizo itatangazwa baada ya wiki moja ambapo wanatarajia kufanya wiki ya kwanza ya mwezi wa 5

BAADA YA SIKU 67 BILA YA KUFANYA UAMIZI, LEO WABUNGE WA BUNGE MAALUMU LA KITABA WANAKUTANA ILII KUHAIRISHA BUNGE HILO.

Bunge maalum la katiba leo April 25 linahairishwa bila kupitisha ibara hata moja kati ya 240 ambazo zimo katika rasimu ya katiba bunge hili linahairishwa mpaka mwezi Agosti mwaka huu huku likiendelea kujadili sura ya kwanza na ya sita yenye jumla ya ibara 19 zinazohusu masuala yanayojega msingi wa aina ya muungano unayopendekezwa